மே 7ல் தமிழக முதல்வராக அரியணை ஏறுகிறார் மு.க.ஸ்டாலின்!

0

தமிழக முதல்வராக மு.க.ஸ்டாலின் வரும் 7ம் தேதி பதவியேற்க உள்ளார். ஆளுநர் மாளிகையில் மிகவும் எளிதாக முறையில் இந்த நிகழ்ச்சி நடைபெறுகிறது. இதனிடையே, முதல்வர் பதவியை எடப்பாடி பழனிசாமி ராஜினாமா செய்துள்ளார்.

நடந்து முடிந்த தமிழக சட்டப்பேரவையில் திமுக கூட்டணி 159 தொகுதிகளில் வெற்றி பெற்றுள்ளது. திமுக மட்டும் 125 தொகுதிகளில் வென்றுள்ளது. காங்கிரஸ் கட்சி 18 இடங்களிலும், மதிமுக 4 இடங்களிலும், விடுதலை சிறுத்தைகள் 4 இடங்களிலும், இடதுசாரி கட்சிகள் 4 தொகுதிகளிலும், மனித நேய மக்கள் கட்சி சார்பில் ஒரு தொகுதியிலும், பிற கட்சிகள் 3 தொகுதிகளிலும் வெற்றி பெற்றுள்ளனர்.

10 ஆண்டுகளுக்கு பிறகு திமுக தனிப்பெரும்பான்மையுடன் ஆட்சி அமைக்க உள்ளது. நாளை நடைபெற உள்ள திமுகவின் சட்டப்பேரவை உறுப்பினர்கள் கூட்டத்தில் மு.க.ஸ்டாலின் தலைவராக தேர்வு செய்யப்படுகிறார். இதைத் தொடர்ந்து வரும் 7ம் தேதி அவர் தமிழக முதல்வர் மு.க.ஸ்டாலின் பதவியேற்க உள்ளார்.

இதனிடையே, முதல்வர் பதவியை எடப்பாடி பழனிசாமி ராஜினாமா செய்துள்ளார். இதற்கான கடிதத்தை சேலத்தில் இருந்து தனது ராஜினாமா கடிதத்தை ஆளுநருக்கு அவர் அனுப்பியுள்ளதாக தகவல் வெளியாகியுள்ளது.

LEAVE A REPLY

Please enter your comment!
Please enter your name here