`பிளஸ் 2வில் 562 மதிபெண்; பள்ளியில் முதல் மாணவி!’- நீட் தேர்வு எழுதிய அரியலூர் மாணவி தற்கொலை

0

நீட் தேர்வு அச்சத்தால் சேலம் மாணவர் தற்கொலை செய்து கொண்ட அதிர்ச்சியில் இருந்து மீள்வதற்குள் அரியலூரில் நீட் தேர்வு எழுதிய மாணவி ஒருவர் தற்கொலை செய்துகொண்ட சம்பவம் பெற்றோர்கள் மத்தியில் அதிர்ச்சியை ஏற்படுத்தியுள்ளது.

மருத்துவ படிப்புக்கான நுழைவுத்தேர்வான ‘நீட்’ நாடு முழுவதும் கடந்த ஞாயிற்றுக்கிழமை நடைபெற்றது. நாடு முழுவதும் நீட் தேர்வில் 16 லட்சம் பேர் பங்கேற்றனர். தமிழ்நாட்டை பொறுத்தவரை 18 நகரங்களில் 224 தேர்வு மையங்களில் நீட் தேர்வு நடைபெற்றது. இதில் 1 லட்சத்து 10 ஆயிரத்திற்கும் மேற்பட்ட மாணவ-மாணவிகள் தேர்வு எழுதினர்.

இதற்கிடையில், நீட் தேர்வில் தோல்வியடைந்துவிடுவோம் என நினைத்து சில மாணவ-மாணவிகள் தற்கொலை என்ற தவறான முடிவை எடுத்துவருகின்றனர். சேலம் மாவட்டம் கூழையூரைச் சேர்ந்த விவசாயி சிவக்குமாரின் இரண்டாவது மகன் தனுஷ் ஏற்கெனவே 2 முறை ‘நீட்’ தேர்வு எழுதி தேர்ச்சி அடையாத நிலையில், இந்த முறை ‘நீட்’ எதிர்கொள்ள அச்சப்பட்டு தேர்வு நடைபெற்ற ஞாயிற்றுக்கிழமை தூக்கிட்டு தற்கொலை செய்துகொண்டார். இந்த சோகம் மறைவதற்குள் மீண்டும் ஒரு சோகம் அரியலூரில் நிகழ்ந்துள்ளது. நீட் தேர்வு எழுதிய அரியலூர் மாவட்டம், சாத்தம்பாடி கிராமத்தை சேர்ந்த கனிமொழி என்ற மாணவி இன்று வீட்டில் தூக்கிட்டு தற்கொலை செய்துகொண்டார்.

நீட் தேர்வு எழுதிய தினம் முதல் மாணவி மிகுந்த மன உளைச்சலில் இருந்துள்ளார். நீட் தேர்வில் தோல்வியடைந்து விடுவோமோ? என்ற தவறாக எண்ணத்தால் மிகுந்த மன உளைச்சலில் இருந்த மாணவி கனிமொழி தனது வீட்டில் தூக்கிட்டு தற்கொலை செய்துகொண்டுள்ளார். தற்கொலை செய்துகொண்ட மாணவி கனிமொழி 12 ம் வகுப்பில் 600-க்கு 562 மதிப்பெண் பெற்றிருந்தார்.

LEAVE A REPLY

Please enter your comment!
Please enter your name here