நடுரோட்டில் டாக்டர், மனைவி சுட்டுக் கொலை… பட்டப்பகலில் நடந்த பயங்கரம்… பதறவைக்கும் வீடியோ

0

பட்டப்பகலில் நடுரோட்டில் வைத்து டாக்டர் தம்பதிகள் மர்ம நபர்களால் சுட்டுக் கொல்லப்பட்டனர். இது குறித்த பதற வைக்கும் வீடியோ காட்சி வெளியாகி ராஜஸ்தான் மாநிலம் ஜெய்ப்பூரில் அதிர்ச்சியை ஏற்படுத்தியுள்ளது.

ராஜஸ்தான் மாநிலத்தை சேர்ந்த டாக்டர் தம்பதிகள் சுதீப் குப்தா அவரது மனைவி சீமா குப்தா. இவர்கள் ஜெய்ப்பூரில் உள்ள பாரத்பூரில் காரில் சென்று கொண்டிருந்தனர். இருவரையும் இருசக்கர வாகனத்தில் பின் தொடர்ந்து வந்த இரண்டு பேர் காரை மடக்கி நிறுத்தினர். அதிலிருந்து இறங்கிய ஒருவன், சில நொடிகளில் டாக்டரையும் அவர் மனைவியையும் மிக நெருக்கத்தில் நின்று 5 முறை சுட்டான். இதில் டாகடர் தம்பதிகள் அதே இடத்தில் பலியானார்கள்.

இரண்டு ஆண்டுகளுக்கு முன்பு தீபா தேவி என்ற 25 வயது இளம் பெண்ணையும் அவளது 6 மாத குழந்தையையும் கொலை செய்த வழக்கில் இந்த டாக்டர் தம்பதிகள் கைது செய்யப்பட்டு ஜாமீனில் விடுவிக்கப்பட்டனர். முன்விரோதம் காரணமாக கொலை நடந்திருக்கலாம் என்று காவல்துறையினர் சந்தேகிக்கின்றனர்.

சி.சி.டி.வி காட்சிகளின் அடிப்படையில் குற்றம் சாட்டப்பட்டவர்களை அடையாளம் காண காவல்துறையினர் முயற்சித்து வருவதாகவும் குற்றம் சாட்டப்பட்டவர்களை மிக விரைவில் கைது செய்வோம் என பரத்பூர் வட்ட அதிகாரி (நகர) சதீஷ் வர்மா கூறினார்.

LEAVE A REPLY

Please enter your comment!
Please enter your name here