சிறுமி கூட்டு பாலியல் பலாத்காரம்!- 2 கிலோ மீட்டர் நிர்வாணமாக சென்ற சிறுமி!

0

உத்தரபிரதேசம் மொராதாபாத்தில் சிறுமி ஒருவர் கும்பல் பலாத்காரம் செய்யப்பட்டு, ரத்த காயத்துடன் நிர்வாணமாக 2 கிலோமீட்டர் நடந்த சம்பவம் நடந்து உள்ளது.

உத்தரபிரதேச மாநிலம் மொராதாபாத்தில் 15 வயது சிறுமியை 5 பேர் கொண்ட கும்பல் பாலியல் பலாத்காரம் செய்து உள்ளது. மேலும் நிர்வாணமாக சாலையில் 2 கிலோமீட்டர் நடக்க வைத்துள்ளனர். இந்த சம்பவம் நடந்து 15 நாட்களுக்கு பிறகு வீடியோ வெளியாகி சமூக வலைதளங்களில் அதிர்ச்சி அலைகளை ஏற்படுத்தியுள்ளது. 30 வினாடிகள் கொண்ட வீடியோவில், சிறுமி நிர்வாணமாக சாலையில் நடக்கும் காட்சி உள்ளது.

சிறுமி ரத்தம் கொட்டிய நிலையில், சாலையில் நிர்வாணமாக சுமார் 2 கிலோமீட்டர் தூரம் நடந்துள்ளார். சிறுமியை பாலியல் பலாத்காரம் செய்த அரக்கர்கள் அவரை நிர்வாணமாக காரில் இருந்து தூக்கி வீசி உள்ளனர். சிறுமி உதவியற்ற நிலையில் அதிர்ச்சியுடன்,சாலையில் நிர்வாணமாக நடந்து சென்று உள்ளார். ஆனால் சாலையில் அவரை கடந்து சென்றவர்கள் என்ன ஏது என்று விசாரிக்கவில்லை உதவ வரவில்லை பொம்மைகளாக வேடிக்கை பார்த்து உள்ளனர்.

சிறுமியின் குடும்பத்தினர் இது குறித்து கூறுகையில், வீடு திரும்பிய சிறுமி ரத்த காயத்துடன் இருந்தார். அவருக்கு நடந்த கொடுமையை விவரித்தார். பின்னர் அவருக்கு மருத்துவ சிகிச்சை அளிக்கப்பட்டது, ஆனால் சிறுமி தனது வீட்டை அடைய அதிக ரத்தப்போக்குடன் நடக்க வேண்டியிருந்தது. கற்பனை செய்து பாருங்கள் அவருக்கு யாரும் உதவவில்லை.

குடும்பத்தினர் புகார் அளிக்க காவல்துறையை அணுகினர், ஆனால் அவர் மாவட்டபோலீஸ் சூப்பிரெண்டு ஹேமந்த் முன் இந்த விஷயத்தை எழுப்பும் வரை எந்த நடவடிக்கையும் தொடங்கப்படவில்லை என்று செய்தி நிறுவனம் ஐஏஎன்எஸ் தெரிவித்துள்ளது. அதன்பிறகு, செப்டம்பர் 7 ஆம் தேதி வழக்கு பதிவு செய்த பின்னர் போலீசார் நடவடிக்கை எடுத்து ஒரு குற்றவாளியை கைது செய்தனர். குற்றம் சாட்டப்பட்டவர்கள் சிறுமியையும் அவரது குடும்பத்தினரையும் கொன்றுவிடுவதாக மிரட்டி உள்ளனர். மொராதாபாத் போலீசார் சிறுமி பக்கத்து கிராமத்தில் ஒரு கண்காட்சியில் கலந்து கொள்ளச் சென்றிருந்தபோது, அவரை 5 பேர் கடத்தி சென்று பாலியல் பலாத்காரம் செய்து உள்ளனர். அவரது அலறல் சத்தம் கேட்டு, ஒரு கிராமவாசி சம்பவ இடத்திற்கு விரைந்தார், ஆனால் அதற்குள் குற்றம் சாட்டப்பட்ட ஐந்து பேர் அவளது உடைகள் மற்றும் பிற பொருட்களை எடுத்துக்கொண்டு அங்கிருந்து தப்பி ஓடிவிட்டனர் என கூறி உள்ளனர்.

கூடுதல் போலீஸ் சூப்பிரெண்டு (ஊரகம்) சந்தீப் குமார் மீனா கூறும் போது “பிரிவு 376டி (கும்பல் பலாத்காரம்) மற்றும் போக்சோ சட்டத்தின் கீழ் வழக்கு பதிவு செய்யப்பட்டுள்ளது. குற்றம் சாட்டப்பட்ட ஒருவரை செப்டம்பர் 15ஆம் தேதி கைது செய்தோம். மேலும் விசாரணை நடைபெற்று வருகிறது என கூறினார்.

LEAVE A REPLY

Please enter your comment!
Please enter your name here